余德淳博士文章分享(九月快樂的孩子 9.「自我接受」)
每當我遇到一個新認識的小朋友,我習慣觀察他做到「自我接受」的程度。
我會留意他如何說出自己擁有的玩具和擅長的本領,一直說到自己遺憾尚完全學到的,若他的表情流露出自然的自豪和慚愧的感覺,這位小朋友是能夠自我接受的人。
我也感覺很惋惜有些父母很隨意地說孩子很蠢和叛逆,從聲音中已經聽出是加鹽加醋,那些孩子常常垂下頭說話時常常說:「我不知道…」「我常做得不好..」
低程度的自我接受終於帶來長大後很多內疚感和常惡評自己。
他需要身邊有一個人教導他:「你要接受自己已經盡力而為,要學習滿意自己!」
過往有多少缺點都不能把你製造成為一個「失敗人」,因為缺點是可以改正的。
「去年在舍下認識一位情緒低落的癌友麗英,感謝主,她今天已經不再一樣,剛收到她的一些分享文章:
「我名叫麗英,我做完切胰臟等器官手術後有好多後遺症,每日都要去好多次廁所,試過出街時控制唔到,搞到污糟邋遢,覺得好冇尊嚴。所以我只好留喺屋企,每天都發吽逗,心情好黑暗、好無自信。
有一次我去覆診時認識一位癌友,佢話揾一日帶我去一個好開心嘅地方,嗰度有人同我傾計。我心諗邊度有咁好嘅地方,咁我就跟佢去睇下,原來那個地方就係「舍下」,會幫癌友仔,又會同我哋傾下計。
當時我去到「舍下」坐埋一角,好似冇人留意到我,我聽到有啲癌友仔分享佢哋的見證,聽落好似同我有啲相似。之後「舍下」嘅Tony發現我,叫我出嚟同我傾,我嘅眼淚就一汪汪湧晒出嚟。Tony見我咁傷心即時安慰我,我覺得好有親切感,好似親人一樣,跟住我就一口氣將屈住喺心入面嘅說話講晒出嚟,好舒服,因為呢幾年病魔折磨下有好多後遺症,我驚家人擔心,所以唔敢同佢哋講,喺佢哋面前扮到冇嘢,其實自己真係好辛苦,因為冇咗好多器官。
嚟到「舍下」好舒服,我覺得好奇怪呢度係咩地方,原來呢度係主耶穌愛我哋嘅地方。真係好感謝主,從嗰日開始我嘅生命就不一樣,因為我第一日返「舍下」便感動決志信主,之後有個姊妹帶我返教會,當時我唔知道原來佢係一個退休醫生。有個醫生姊妹喺身邊,我覺得自己好有福好有安全感,我可以請教佢意見,同佢傾下計覺得好舒服,佢又會教我好多聖經的話語,我好感恩覺得神安排好多天使圍繞喺我身邊,我個心情放鬆好多,我好感恩認識呢個真實的神!
跟住我每個星期都抽時間返教會崇拜,醫生姊妹好關心我、好鍚我,每次崇拜後一齊食飯,佢見我經濟不好每次都係佢畀錢,我都覺得唔好意思。醫生姊妹講好多耶穌嘅見證畀我知,佢話信主嘅人得平安、家庭幸福、無憂愁,跟住我每個禮拜都抽時間上聖經堂查經。好姊妹醫生見我眼睇聖經朦查查,就帶我去配一副眼鏡,我好多謝佢,如果唔係神嘅恩典,唔識你嘅人又點會幫你配眼鏡。
我個人好硬頸,好多時我都唔想講自己啲嘢畀人聽,費事畀人覺得自己好可憐,唔鍾意人哋幫我,而家唔係啦,信咗主之後,覺得有人關心你有人問候你,比金錢更寶貴!」
經上說:哀慟的人有福了!因為他們必得安慰。(馬太福音 5:4)
感謝主引領麗英在她人生最低谷的時候能來到「舍下」,從她開口決志信主那一刻起,她的生命開始起了變化,願主祝福帶領她,感謝主,願一切榮耀、頌讚全歸與主,阿門!
誠邀您將「EQ線上心靈伴讀」程式推介給更多同事,親友,附上不同版本的程式下載連結:
(https://itunes.apple.com/us/app/eq-zai-xian-xin-ling-ban-du/id1161648166)
(https://play.google.com/store/apps/details?id=test.noah.com.myapplication&hl=zh-TW)