余德淳博士文章分享(九月快樂的孩子26.「成長之樂」)
上兩天我說輕鬆孩子對激動情緒有較長的不反應期,此外父母也讓孩子平衡面對關愛、冒險、虛幻影像。
三歲至四歲就是品格鍛練的實踐時期,我建議家長對謙虛,溫柔,忍耐,寬容表示激賞。
我常常觀察很多孩子在站起來的時候是雙腳微曲和彎着背子,這種欠缺自信的形象也可能是因為平常欠缺父母的欣賞。
此外我留意到他們發出的聲音都做不到聲音控制得宜,他們細聲的程度不容易聽得清楚,但在不耐煩的時候又會過分喧鬧。
明天寫「師友之樂」,以下是護心喜藥團三位核心成員星期六參加天下華人唱着好詩歌大賽的寶貴回憶。
昨天分享到我們在天下華人唱出好詩歌大賽準決賽中唱出的詩歌【是祢應許】,在決賽前,Roy去抽籤幫我們選出來的。這詩歌十分適合我們一起唱出,因為歌詞描寫的情況和意境就是與我們在病患中經歷上帝的一樣。
當中歌詞第一句:壓傷的蘆葦,祂不折斷;將殘的火把,祂不吹滅;(以賽亞書42:3上)
神顧念我們身體和心靈的軟弱。我們三人在台上唱這詩歌的時候,有如把神賜給我們三人獨特的生命和祂的作為顯示人前,有聲有畫有故事有感情。
我們還要講出佈道信息,成為領人歸主的一個分享。以下就是我們演繹的講稿,比當日在台上講出的更完整。
{ 科榮:大家好,是祢應許係【隱形鬥室】嘅主題曲。套劇係講:一位專業社工處理一個案時,自己都陷入抑鬱症當中,不能自拔,想輕生。因接通到「人生熱線」得到義工幫助同鼓勵,解開咗一個潛蔵好耐嘅心結,挽救咗佢嘅生命。
詩歌提到呢種埋藏喺心裡面嘅苦況有邊個可以來幫助,會記掛到?係得主耶穌基督!大多身邊人會為生活忙碌同享樂,極唔容易有人會想起受病患困苦煎熬嘅人。神係我哋隨時的幫助,佢體 ”恤憐憫我哋嘅軟弱”,佢會 ”安慰” 我哋,應許 “醫治” 我哋所有身心靈嘅 ”創傷”,拯救我哋 “生命”!
深知道,患癌,買一送買一,好易會搭舊豬骨,就有埋抑鬱症。癌症呢個頑疾絶症,使人前路迷茫,電療、化療、手術等治療過程使人好痛苦,醫無可醫就步向人生的終結,會死!面對恐懼同壓力,唔多唔少,或長或短,我哋都會經歷過憂鬱。主耶穌點樣顧念到我哋嘅需要,點樣拯救我哋,使我哋呢刻病未醫好,但都會喺度唱詩歌讚頌佢?!
Ada:係呀,我患咗嘅係”急”性血癌,發病時係喺長州,個病來得好急,差啲就死。因為當時我呼求主呀,救我,好快醫生Call嘅直昇機到嚟,載我返市區,跟住趕急尋找合適的骨髓,感謝神,雖然艱難,但都可以喺台灣配對到,運到過嚟香港,成功完成骨髓移植。現已抗癌11年。
Ada:Roy,知道你確診胰臟癌嗰晚,都可以同太太瞓得著喎。
Roy:係,確診胰臟癌當晚,眼淚洗臉,但想起之前主日帶敬拜時嘅詩歌【神坐著為王】,同太太唱完之後就馬上瞓得著。信神掌管一切,只要全然交託畀佢,就有”平安”從心裡湧現出來。過咗9年,因為癌腫瘤生長得太大,為了醫治,要割除胰臟、脾臟、膽囊、十二指腸和半個胃。依家又發現復發,有6厘米嘅腫瘤喺肚度。我好相神會繼續帶領醫治,嚟緊星期一就入院化療嘞。
Roy:科榮,你肝癌復發咗十幾次,跟著又切埋肋骨嘅惡瘤,咁多折騰,你又點過?
科榮:感恩我未有癌病之前已經信主,喺教會都有對生死同苦難嘅事思想過,到真係面對時,神嘅話語就成為我嘅保障,係人人以為多災多難嘅我時,神話佢仍然愛我,應許無會撇下我。無數化療同電療、換肝、切肺、拆骨,艱辛痛苦嘅時候,有神嘅同在就不再懼怕,可以向佢祈禱,又可得到佢嘅安慰。每次癌症復發同每個傷疤都成為咗佢嘅恩典印記。依家身體雖然都有癌瘤,仍然無藥醫
科榮:剛剛我哋講Ada喺”急難”中神拯救佢、Roy患癌噩耗嚟到呼求主唱詩歌就”平安”、我癌症不斷復發神不斷”醫治”賜福。神拖帶我哋經過死陰幽谷,免受失意困惑同死亡嘅侵害,仍然活得豐盛精彩,仲一齊成立機構幫助同路人。
Ada:喺嘞!上帝係我哋隨時嘅幫助,點樣駁通呢條熱線打畀上帝?
各位親愛嘅朋友,當信主耶穌,你同你一家都必得救,信主就能接通呢條,「得救熱線」,同上帝傾到偈。現今新冠疫情肆虐,大家會比較感受到患難嚟到時人嘅軟弱同無奈,有人會擔心中招而患上各樣心理病。人生總會遇到患難,你可以點樣揾到一個信得過嘅,成為你一生的依靠?我哋揾到嘞,而且就喺到見證緊呢位又真又活的真神,佢拯救同醫治咗我哋!邀請你都信主耶穌基督,得到呢一生最大嘅保障,同有永遠生命嘅確據,記得接通呢條「得救熱線」。你就可以得救嘞! }
今天科榮分享一首【秋雨甘霖】,得永恆音樂事工同意分享最新感人MV https://youtu.be/m74c5qf18-g
附上護心喜藥團當日在電台的合照。Roy這個星期開始要接受化療,請大家為他代禱。
誠邀您將「EQ線上心靈伴讀」程式推介給更多同事,親友,附上不同版本的程式下載連結:
(https://itunes.apple.com/us/app/eq-zai-xian-xin-ling-ban-du/id1161648166)
(https://play.google.com/store/apps/details?id=test.noah.com.myapplication&hl=zh-TW)