余德淳博士文章分享(九月快樂的孩子 11.「積極追月」)
今天是追月,昨天我寫曾遇過一個小學生說想在月球開7–11便利店,我表示很欣賞他對準備目標的積極。
我想起在年幼的時候,母親常常鼓勵我每日去完成一些目標,例如繪畫一架車和抄寫幾行聖經送給她、打電話與婆婆交談、為她記下稍後去士多要買的東西。
漸漸我就對與畫畫、寫字、交談和記錄產生興趣,從來不覺得是麻煩的事,更鍛鍊了一種個人的「完成驅動力」,至今天還是很享受那種猜中自己可以完成的快樂。
「去年在「舍下」認識一位情緒低落的癌友麗英,感謝主,她今天已經不再一樣,她繼續分享第二篇文章:
雖然人哋講胰臟癌這個病有錢才有得醫,冇錢就冇得醫,所以好多患癌病的人花錢醫病都醫到傾家蕩產。第一個醫生話冇得醫,就搵第二個醫生嚟醫,同朋友親戚借都要醫,我就係最佳例子!醫藥費醫到冇底線,又要還債,因為我經濟能力差,打工仔拎唔到咁多錢出嚟醫病,因為癌症患者隨便照一個全身掃瞄都要一萬幾千,都唔知道自己要用幾多錢先可以醫好這個病,我有諗過放棄醫,好似電視話齋費事連累屋企人,借咁多錢嚟醫,又醫唔到,又要還債,好難受!
感恩就算醫唔醫到都好,我都覺得賺咗啦,因為神賜咗一班好姊妹比我,佢哋好關心我好錫我,其中一個姊妹喺梅窩有一個農場,嗰度有好多青菜花草,又見到一大片海,微風吹到飄飄然,好舒服,我哋一齊去玩去食、一齊影相留念,姊妹又將佢辛苦耕種的農作物畀我哋一齊分享,大家好似一家人咁,玩得好開心好投入,我覺得自己有病好似變到冇病的正常人一樣,煥然一新,覺得自己後生咗,好感謝主,賜咁大個農場同埋一班好姊妹比我。
以前我覆診會好驚,現在覆診冇驚過,因為有一班好姊妹同我一齊同行冇咁孤單。好奇怪,有一次覆診醫生見到我開朗咗好多,以前我見佢只會眼淚汪汪,現在就好似雀仔咁吱吱喳喳!醫生好奇地問我何來咁開心,我話去咗「舍下」,醫生問「舍下」係甚麼地方,我話係專門幫癌友仔傾下計嘅開心地方。醫生話佢阿媽都有癌病,成日返嚟對住佢喊,佢覺得自己好冇用,自己阿媽都幫唔到,於是我比咗「舍下」電話號碼佢,叫佢去聯絡舍下!
看哪!神是我的拯救;我要倚靠他,並不懼怕。因為主耶和華是我的力量,是我的詩歌,他也成了我的拯救。(以賽亞書 12:2)
感謝麗英姊妹在政府醫生面前推介「舍下」,更感恩是醫生現在說,麗英姊妹體內的癌腫瘤像冬眠一樣睡著了!感謝主的恩典,願一切榮耀、頌讚全歸與主,阿門!」
誠邀您將「EQ線上心靈伴讀」程式推介給更多同事,親友,附上不同版本的程式下載連結:
(https://itunes.apple.com/us/app/eq-zai-xian-xin-ling-ban-du/id1161648166)
(https://play.google.com/store/apps/details?id=test.noah.com.myapplication&hl=zh-TW)