生死之間
我哋七人小隊圍住少女禱告，情況並無好轉。其中一位隊員係護士，佢嘗試教少女調整呼吸，但情況非但無改善，更變本加厲，一下一下嘅嘶啞聲慢慢變疏，皆因氣管正逐漸收窄……
「繼續禱告！」情急之下我緊張地向隊員呼喊。雖然閉起雙眼，十指交扣，但腦海中卻不停運算其他解決方法：俾熱水佢有用嗎？我哋急救箱有合適嘅藥嗎？要聯絡總部叫人趕嚟送佢入院嗎？
呢個時候嘶啞聲慢慢消失，我一瞥少女，只見佢淚流滿面…… 氣管再次收窄，佢連呼吸嘅力氣都就快無。
我當下將副隊長立刻拉埋一邊討論：「我哋而家就要聯絡總部，唔係第一日就會有人死喺我哋面前！難以想像之後兩星期要點過！」
「吁！」
話音未落，一聲竭力嘅喘鳴進入耳中，一種熟悉並且可怕嘅聲音。 －作為獸醫護士嘅經驗話我知，呢種係動物瀕死前發出嘅哀鳴……
待續…
Timothy Lau（作者Timothy，90後宣教士，於英國讀大學時開始接觸宣教，本職為獸醫助理。數年前透過世界福音動員會(Operation Mobilisation) 投身宣教旅程。曾於南非參與短期門徒訓練，繼而到福音船 – 望道號上服侍。三年嘅船上生活中到訪15個國家，共29個港口。現已完成服侍回港，於OM香港以助理動員主任身分，繼續推動年青人投身宣教。）
繼續閱讀下集︰萊索托#4
閱讀上集︰萊索托#2
