ព្រះពរថ្ងៃបុណ្យណូអែល
ឱព្រះអម្ចាស់យេស៊ូវអើយ!
សូមអរគុណចំពោះការប្រសូត្ររបស់ទ្រង់នៅផែនដី ដែលបាននាំមកនូវសេចក្តីសង្រ្គោះដល់មនុស្សជាតិ និងអនុញ្ញាតឱ្យទូលបង្គំស្គាល់ពីសន្តិភាព សេចក្តីអំណរ និងជីវិតដ៏ពោពេញបរិបូរណ៍ប្រកបដោយអត្ថន័យ។
សូមទ្រង់ផ្តល់កម្លាំងដល់ទូលបង្គំ ដើម្បីស្រលាញ់គ្រួសារ មិត្តភក្តិ និងសហគមន៍របស់ទូលបង្គំ។ ទូលបង្គំសូមអធិស្ឋានសម្រាប់ជនភៀសខ្លួនដែលកំពុងរងគ្រោះដោយសង្គ្រាម ការបាត់បង់គ្រួសារ និងការផ្លាស់ទីលំនៅរបស់ពួកគេ។ ទូលបង្គំក៏អធិស្ឋានសម្រាប់អ្នកដែលប្រឈមមុខនឹងការលំបាកផ្នែកហិរញ្ញវត្ថុ អារម្មណ៍ និងសុខភាព។ សូមផ្តល់សេចក្តីមេត្តាករុណារបស់ទ្រង់ដល់ពួកគេ ហើយផ្តល់ឱ្យពួកគេនូវប្រាជ្ញា និងកម្លាំងដើម្បីជំនះឧបសគ្គរបស់ពួកគេ និងស្វែងរកដំណោះស្រាយដោយសន្តិវិធី។
ដោយនៅក្នុងព្រះនាមព្រះយេស៊ូវគ្រីស្ទ។ អាម៉ែន ។
